Skip to main content

உலகக்கோப்பை ஹாக்கி 2018 : நேரடியாக காலிறுதிக்குத் தகுதி பெற்றது இந்திய அணி

உலகக்கோப்பை ஹாக்கி 2018 : நேரடியாக காலிறுதிக்குத் தகுதி பெற்றது இந்திய அணி

உலகக்கோப்பை ஹாக்கியில் கனடாவை இந்திய அணி 5-1 என்ற கோல் கணக்கில் வீழ்த்தி சி பிரிவில் பெல்ஜியத்தை அதிக கோல் எண்ணிக்கை வித்தியாச அடிப்படையில் பின்னுக்குத் தள்ளி முதலிடம் பிடித்தது. இதன் மூலம் நேரடியாக காலிறுதிக்குத் தகுதி பெற்றது.

2018 ஆம் ஆண்டு உலகக்கோப்பை ஹாக்கியில் கனடாவை இந்திய அணி 5-1 என்ற கோல் கணக்கில் வீழ்த்தியது.

இதன் மூலம் சி பிரிவில் பெல்ஜியத்தை அதிக கோல் எண்ணிக்கை வித்தியாச அடிப்படையில் பின்னுக்குத் தள்ளி முதலிடம் பிடித்தது இந்திய அணி.

எனவே, இந்திய அணி நேரடியாக காலிறுதிக்குத் தகுதி பெற்றது.

முந்தைய போட்டியில் பெல்ஜியம் அணிக்கு எதிரான பரபரப்பான ஆட்டத்தை சமன் செய்த இந்திய அணி இதுவரை தோற்கவில்லை என்பது குறிப்பிடத்தக்கது. பெல்ஜியமும்  இந்தியா போலவே 4 புள்ளிகள் பெற்றுள்ளது, ஆனால் கோல்கள் வித்தியாசத்தினால் இந்திய அணி சி பிரிவில் முதலிடம் பெற்றது, இதனையடுத்து காலிறுதி வாய்ப்பை உறுதி செய்தது இந்தியா.

டிசம்பர் 8 ஆம் தேதி நடைபெற்ற போட்டியில், 1-3-4-3 என்ற களவியூகத்தில் தொடங்கிய இந்திய அணி படு ஆக்ரோஷமாக ஆடி கடைசி கால்மணி நேர ஆட்டத்தில் 4 கோல்களை அடித்து கனடாவை நொறுக்கியது. தொடக்க கணம் முதலே பந்து இந்திய ஸ்டிக்குகளில்தான் அதிகம் புழங்கியது, கனடா தடுப்பாட்ட வீரர்களும் நடுக்கள வீரர்களும் கடும் நெருக்கடிக்கு ஆளாகினர்.

முதல் அடியை சிங்லெனா சிங் வலது புறத்திலிருந்து கோலை நோக்கி அடிக்க கனடா அணி கோல் கீப்பர் ஆண்டனி கிண்ட்லர் தடுத்துவிட்டார். பிறகு ஒரு பெனால்டி கார்னர் வாய்ப்பு ஆனால் கோலாகவில்லை.

அதன் பிறகு மீண்டும் ஒரு பெனால்டி கார்னர் வாய்ப்பை ரெஃபரல் மூலம் இந்தியா பெற ஹர்மன்ப்ரீத் சிங் பிரமாதமான ஒரு ட்ராக் பிளிக்கை அரக்கத்தனமாக அடிக்க முதல் கோல் விழுந்தது.

ஆனால் அதன் பிறகு பரபரப்பான இரு அணிகளின் ஆட்டத்தில் 39 வது நிமிடத்தில் கனடா வீரர் புளோரிஸ் வான் சன் மிகப்பிரமாதமாக இந்திய கோல் கீப்பர் தலைக்கு மேல் ஒரு ஸ்கூப் ஷாட் அடித்து கோலுக்குள் திணிக்க, கனடா 1-1 என்று சமன் செய்தது.

46 வது நிமிடத்தில் இந்திய வீரர் சிங்ளென்சனா, ஒரு பிரமாதமான கோலை அடித்து முன்னிலை கொடுத்தார். இந்தியா 2-1.

 உடனேயே 47 வது நிமிடத்தில் கனடா தடுப்பாட்ட வீரர் ஒருவர் பந்தைக் கோட்டை விட லலித்குமார் உடனடியாகப் பாய்ந்து பந்தைக் கோலுக்குள் திணிக்க இந்தியா 3-1. 

ஆட்டத்தின் 51 வது நிமிடத்தில்  கிடைத்த பெனால்டி வாய்ப்பில் அமித் ரோஹிதாஸ் அதிரடி கோலை அடிக்க இந்திய அணி 4-1 என்று முன்னிலை வகித்தது.

57 வது நிமிடத்தில் வலது புறத்திலிருந்து சுமித் பந்தை விறுவிறுவென எடுத்து வந்து ஓடிய படியே பாஸ் செய்ய லலித் குமார் தன் 2 வது கோலை அடிக்க இந்திய அணி 5-1 என்று முடித்தது.

அணிகளின் நிலை சுருக்கம்

காலிறுதி சுற்று: அர்ஜென்டினா, ஆஸ்திரேலியா, இந்தியா, ஜெர்மனி

கிராஸ்ஓவர் சுற்று: இங்கிலாந்து, நியூஸிலாந்து, பிரான்ஸ், சீனா, பெல்ஜியம், பாகிஸ்தான், நெதர்லாந்து, கனடா.

வெளியேறிய அணிகள்: ஸ்பெயின், அயர்லாந்து, தென் ஆப்பிரிக்கா, மலேசியா.

பிரிவு அ

  1. அர்ஜென்டினா (காலிறுதி சுற்று)
  2. பிரான்ஸ் (கிராஸ்ஓவர் சுற்று)
  3. நியூஸிலாந்து (கிராஸ்ஓவர் சுற்று)
  4. ஸ்பெயின் (வெளியேறிய அணி)

பிரிவு ஆ

  1. ஆஸ்திரேலியா (காலிறுதி சுற்று)
  2. இங்கிலாந்து (கிராஸ்ஓவர் சுற்று)
  3. சீனா (கிராஸ்ஓவர் சுற்று)
  4. அயர்லாந்து (வெளியேறிய அணி)

பிரிவு இ

  1. இந்தியா (காலிறுதி சுற்று)
  2. பெல்ஜியம் (கிராஸ்ஓவர் சுற்று)
  3. கனடா (கிராஸ்ஓவர் சுற்று)
  4. தென் ஆப்பிரிக்கா (வெளியேறிய அணி)

பிரிவு ஈ 

  1. ஜெர்மனி (காலிறுதி சுற்று)
  2. நெதர்லாந்து (கிராஸ்ஓவர் சுற்று)
  3. பாகிஸ்தான் (கிராஸ்ஓவர் சுற்று)
  4. மலேசியா (வெளியேறிய அணி)

Hockey World Cup 2018: India directly qualified for quarter finals by defeating Canada by 5-1 in Pool c

Tamil

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.