Skip to main content

மறைந்தார் மைக்ரோசாப்ட் இணை நிறுவனர் பால் ஆலன் 1953-2018

#Paul Allen

1970 களில் அமெரிக்க மென்பொருள் நிறுவனமான மைக்ரோசாப்ட் நிறுவனத்தை, உலக செல்வந்தர் பில் கேட்ஸ் உடன் இணைந்து நிறுவிய பில்லியனர் பால் ஆலன், அவரது 65 வயதில் மறைந்தார்.

அமெரிக்காவின் தொழிலதிபரும் மைக்ரோசாப்ட் இணை நிறுவருமான பால் கார்டனர்(65) நேற்று அக்டோபர் 15 ஆம் தேதி திங்கள்கிழமை உயிரிழந்தார். 

இளம் விஞ்ஞானி - பால் 

அமெரிக்காவின் தொழிலதிபரும், முதலீட்டாளரும், மைக்ரோசாப்ட் இணை நிறுவருமான பால் கார்டனர் ஆலன் சியாட்டில் நகரில், 1953 ஜனவரி 21ல் பிறந்தவர். பள்ளியில் படிக்கும் போதே கணினியை உருவாக்குவதில் ஆர்வம் கொண்டிருந்தார். 

பில் கேட்ஸ் - பால் ஆலன் நட்பு

14 வயதில் லேக்சைடு பள்ளியில் படிக்கும் போது, அவரைப் போன்ற ஆர்வம் கொண்ட 12 வயது பில்கேட்ஸை சந்தித்தார். இருவரும் கல்லூரியில் படிக்கும் போது மென்பொருள் தயாரிக்கும் முயற்சியில் இறங்கினர். 

 

#Paul Allen and bill gates

 

இருவரும் இணைந்து 1975ல் மைக்ரோசாப்ட் நிறுவனத்தை தொடங்கினர். MS-DOS போலவே Q-DOS என்ற மென்பொருளை கண்டறிந்தார். ஐபிஎம் நிறுவனத்தின் பி.சி ஆபரேட்டிங் சிஸ்டத்தில் Q-DOS மென்பொருளை நிறுவினார்.

1983ம் வருடம் வரை மைக்ரோசாப்ட் நிறுவன தலைமை தொழில்நுட்ப வல்லுநராக இருந்தார். ‘மேன் ஆஃப் ஆக்‌ஷன்’, ‘ஐடியா மேன்’ என செல்லமாக அழைக்கப்பட்டார். 

30 வயது நிறைவடைவதற்குள் கோடீஸ்வரர் பட்டியலில் இடம்பெற்றார். ஹாட்கின்ஸ் நோயால் பாதிக்கப்பட்டார். அதையும் வென்று மீண்டும் கணினியில் களமிறங்கி வல்கன் வெஞ்சர்ஸ் நிறுவனத்தை தொடங்கினார். 

 

#Paul Allen

 

உலகத்தை இணையத்தால் இணைக்க ‘இண்டர்வெல் ரிசர்ச்’ நிறுவனத்தை தொடங்கினார். அவரின் சியாட்டி சீஹாக்ஸ் நிறுவனம் உள்ளிட்ட பல நிறுவனத்தை வாங்கினார். உலகின் 7வது மிகப்பெரிய கேபிள் நிறுவனத்துக்கு சொந்தக்காரர் ஆவார் பால் ஆலன். 

மேன் ஆஃப் ஆக்‌ஷன்

கோடீஸ்வரரான இவர், தான் சம்பாதித்ததை இந்த உலகித்தினருக்கு தர வேண்டும் என்ற நோக்கில் அவர் தொடங்கிய "பால் ஜி ஆலன் ஃபேமிலி பவுண்டேசன்" மூலம் கல்வி, அறிவியல், விளையாட்டு, தொழில்நுட்பம், வர்த்தகம் என பல துறைகளில் மக்களின் வளர்ச்சியை மேம்படுத்த தன் பணத்தை பயன்படுத்தினார். 

65 வயதில் மரணமடைந்த பால் ஆலன் 20.3 மில்லியன் டாலர் சொத்து மதிப்பு கொண்டவர். மைக்ரோசாப்ட் நிறுவனத்தில் மட்டும் 100 மில்லியன் பங்குகளை தன் வசம் வைத்துள்ளார். 

தற்போது உலகின் பணக்காரர் பட்டியலில் 46வது இடத்தில் உள்ளார். 

இவர் 2 பில்லியன் டாலருக்கும் அதிகமான பணத்தை தனது பவுண்டேசன் மூலம் கல்விக்கு வழங்கியுள்ளார். 

இவரின் மறைவு தொழில்நுட்ப துறையில் மிகப்பெரிய இழப்பாக பார்க்கப்படுகின்றது. 

பால் ஆலன் மரணத்திற்கு மைக்ரோசாப்ட் சி.இ.ஒ சத்யா நடெல்லா வருத்தம் தெரிவித்து ட்விட்டரில் பதிவு செய்துள்ளார். 

மைக்ரோசாப்ட் சி.இ.ஒ சத்யா நடெல்லா வருத்தம்

 

அதே போல் கூகுள் சி.இ.ஒ சுந்தர் பிச்சை தனது டுவிட்டர் பக்கத்தில் மிகப்பெரிய தொழில்நுட்ப மேதையை இழந்துவிட்டோம் என வருத்தம் தெரிவித்துள்ளார். 

 

கூகுள் சி.இ.ஒ சுந்தர் பிச்சை

Microsoft Co-Founder Paul Allen dies at 65

Tamil

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.