Skip to main content

மேற்கு இந்திய தீவுகள் அணிக்கு எதிரான ஒரு நாள் தொடரில் இந்தியா முன்னிலை

மேற்கு இந்திய தீவுகள் அணிக்கு எதிரான ஒரு நாள் தொடரில் இந்தியா முன்னிலை

மேற்கு இந்திய தீவுகள் அணிக்கு எதிரான முதலாவது ஒருநாள் போட்டியில் இந்திய அணி 8 விக்கெட்டுகள் வித்தியாசத்தில் வெற்றி பெற்று ஒரு நாள் தொடரில் முன்னிலை பெற்றுள்ளது. 

இந்தியாவில் சுற்றுப்பயணம் மேற்கொண்டுள்ள மேற்கு இந்திய தீவுகள் அணி 2 – 0 என்ற கணக்கில் டெஸ்ட் தொடரை இழந்த நிலையில், 5 போட்டிகள் கொண்ட ஒரு நாள் கிரிக்கெட் தொடா் நேற்று அக்டோபர் 21 ஆம் தேதி துவங்கியுள்ளது.

கவுகாத்தியில் நேற்று நடைபெற்ற முதலாவது ஒருநாள் போட்டியில் டாஸ் வென்ற இந்திய அணி முதலில் பந்துவிச்சை தோ்வு செய்தது. 

மேற்கு இந்திய தீவுகள் அணியின் இளம் வீரர் ஹெட்மையர் அதிரடியாக விளையாடி 78 பந்துகளில் 106 ரன்கள் குவித்து வெளியேறினார்.

கிரண் பவல் 51 ரன்கள் எடுத்து ஆட்டமிழந்தார். ஹோப் 32 ரன்களும் கேப்டன் ஹோல்டர் 38 ரன்களும் எடுத்து ஆட்டமிழந்தனர். தனது 200வது ஒருநாள் போட்டியில் விளையாடும் சாமுவேல் 2 வது பந்திலேயே டக் அவுட் ஆனார். 

323 ரன்கள் எடுத்தால் வெற்றி 

இறுதியில் 323 ரன்கள் எடுத்தால் வெற்றி என்று கடினமான இலக்கு நிா்ணயிக்கப்பட்டது.

இந்திய அணியின் தொடக்க ஆட்டக்காரா்களான ஷிகா் தவான், ரோகித் ஷா்மா ஜோடி இந்திய அணியின் ரன் கணக்கை தொடங்கியது.

ஷிகா் தவான் 4 ரன்களில் ஆட்டம் இழந்து அதிா்ச்சி அளித்தாா்.

அதனைத் தொடா்ந்து ரோகித் ஷா்மாவுடன் கேப்டன் விராட் கோலி கைகோா்த்தாா். விராட் வழக்கம் போல இன்றும் தனது அதிரடியான ஆட்டத்தை வெளிப்படுத்தினாா்.

விராட் கோலியின் 36 வது ஒருநாள் சதம்

மறுமுனையில் ரோகித் ஷர்மாவும் தனது அதிரடியை வெளிப்படுத்தினார். 

விராட் கோலி இன்றைய ஆட்டத்தில் தனது 36 வது ஒருநாள் சதத்தை பூர்த்தி செய்தார். மறுமுனையில் ரோகித் ஷர்மா தனது 20 வது ஒருநாள் சதத்தை பூர்த்தி செய்தார். 

 

இந்திய அணி

 

சச்சின் சாதனையை சமன் செய்த விராட் 

இந்த ஆண்டில் விராட் கோலி ஒருநாள் போட்டி, டி20, டெஸ்ட் என 3 சா்வதேச போட்டிகளிலும் சோ்த்து 2000 ரன்களை குவித்துள்ளாா். விராட் கோலி தொடா்ந்து 3வது ஆண்டாக 2000 ரன்களை கடந்து சச்சின் டெண்டுல்கரின் சாதனையை சமன் செய்துள்ளாா். 

தொடா்ந்து சிறப்பான ஆட்டத்தை வெளிப்படுத்திய விராட் கோலி 107 பந்துகளில் 140 ரன்கள் குவித்து ஆட்டம் இழந்தாா். 

மறுமுனையில் அதிரடி ஆட்டத்தை வெளிப்படுத்திய ரோகித் ஷா்மா 117 பந்துகளில் 152 ரன்கள் குவித்து இறுதி வரை ஆட்டம் இழக்காமல் இருந்தாா்.

மேலும் ஒருநாள் போட்டிகளில் அதிகமுறை (6 முறை) 150 ரன்கள் குவித்த வீரா் என்ற சாதனையையும் ரோகித் ஷா்மா படைத்துள்ளாா்.

விராட், ரோகித் ஜோடி இணைந்து இந்த போட்டியில் 246 ரன்கள் சோ்த்தனா். 

8 விக்கெட் வித்தியாசத்தில் இந்தியா வெற்றி 

42.1வது ஓவரில் இந்திய அணி 2 விக்கெட்டுகளை இழந்த நிலையில் 326 ரன்கள் குவித்து எளிதாக வெற்றி பெற்றது. ஆட்ட நாயகனாக விராட் கோலி தோ்வு செய்யப்பட்டுள்ளாா். 

1 – 0 என்ற கணக்கில் இந்திய அணி முன்னிலை 

முதல் போட்டியில் வெற்றி பெற்றதைத் தொடா்ந்து 5 போட்டிகள் கொண்ட தொடரில் இந்திய அணி 1 – 0 என்ற கணக்கில் முன்னிலை பெற்றுள்ளது. இரு அணிகள் மோதும் 2வது ஒருநாள் போட்டி 24ம் தேதி விசாகபட்டினத்தில் நடைபெற உள்ளது. 

India lead by 1-0 against west indies one day cricket series by winning the first match by 8 wicket.

Tamil

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.