Skip to main content

கூகுள் கொண்டாடும் கோவிந்தப்பா வெங்கடசாமி யார்?

கோவிந்தப்பா வெங்கடசாமி

கண் மருத்துவரான கோவிந்தப்பா வெங்கடசாமியின் 100வது பிறந்தநாளை முன்னிட்டு அவருக்கு டூடுள் உருவாக்கி கவுரவித்துள்ளது கூகுள் நிறுவனம்.

தமிழக தூத்துக்குடி மாவட்டத்தின், எட்டயபுரம் அருகிலுள்ள அயன்வடமலாபுரம் பகுதியில் கடந்த 1918ம் ஆண்டு அக்டோபர் 1ம் தேதி பிறந்தவர் அரவிந்த் கண் மருத்துவமனையின் நிறுவனரும், பிரபல கண் மருத்துவரும் ஆன கோவிந்தப்பா வெங்கடசாமி.

பிரித்தானிய இந்திய ராணுவத்தில் ராணுவ மருத்துவர்

எட்டயபுரத்தில் 6ம் வகுப்பில் தேர்ச்சி பெற்று கோவில்பட்டியில் உள்ள உயர்நிலைப்பள்ளியில் சேர்ந்தார். மதுரை அமெரிக்கன் கல்லூரியில் இளங்கலை வேதியியல் பட்டம் பெற்றார். பின் சென்னை மருத்துவக் கல்லூரியில் சேர்ந்து பயின்றார். மருத்துவப் படிப்பு முடித்தவுடன் பிரித்தானிய இந்திய ராணுவத்தில் ராணுவ மருத்துவராக சேர்ந்து போரில் காயமடைந்த வீரர்களுக்கு சிகிச்சை அளித்தார். 

மலேசியா, சிங்கப்பூர், பர்மா ஆகிய நாடுகளில் மருத்துவப் பணியாற்றினார். இந்த நிலையில், பர்மாவில் மருத்துவ முகாமில் ஈடுபட்டிருந்த போது விஷப் பூச்சிகள் கடித்ததால், தீராத சரும நோய்க்கு ஆளானார். அதோடு முடக்கு வாதத்தாலும் பாதிக்கப்பட்டார்.

கோவிந்தப்பா வெங்கடசாமி

 

மகப்பேறு மருத்துவம் 

இதன் காரணமாக ராணுவப் பணியிலிருந்து விடுவிக்கப்பட்டார். இதையடுத்து மகப்பேறு மருத்துவக் கல்வி பயின்றார். எழும்பூரில் உள்ள மருத்துவமனையில் பயிற்சி மருத்துவராகவும் பணிபுரிந்தார். அப்போது, மீண்டும் முடக்குவாதம் தாக்கியது. அதில், கைவிரல்கள் அதிகமாக பாதிக்கப்பட்டது. பேனா கூட பிடிக்க முடியாத நிலையும், எழுந்து நடமாடக் கூட முடியாத நிலையும் ஏற்பட்டது. 

முடக்குவாதத்தால் ஓரளவு குணமடைந்த இவரிடம், நண்பர் ஒருவர் இந்தக் கைகளை வைத்துக் கொண்டு மகப்பேறு மருத்துவம் செய்ய முடியாது. எனவே கண் மருத்துவம் பயிலும் படி அறிவுரை வழங்கியுள்ளார். நண்பரின் ஆலோசனைப் படி கண் மருத்துவத்தில் முதுகலை பட்டயப் பட்டமும், கண் அறுவை மருத்துவத்தில் முதுநிலைப் பட்டமும் பெற்றுள்ளார். 

இந்த படிப்பைத் தொடர்ந்து 1956ம் ஆண்டு மதுரை அரசு மருத்துவமனையில், புதிதாக தொடங்கப்பட்ட கண் மருத்துவத் துறையின் தலைமைப் பொறுப்பை ஏற்றுக் கொண்டார். 20 ஆண்டுகளுப் பிறகு மதுரையில் அரவிந்த் கண் மருத்துவமனையை 11 படுக்கை வசதியுடன் தொடங்கினார். ஏழைகளுக்கு இலவசமாக சிகிச்சை அளித்தார். மருத்துவப் பிரிவில் பல விருதுகளை பெற்றுள்ள வெங்கடசாமி கடந்த 2006ம் ஆண்டு ஜூலை 7ம் தேதி காலமானார். 

 

கோவிந்தப்பா வெங்கடசாமி

 

1973 ஆம் ஆண்டு இந்திய அரசு இவருக்கு பத்மஸ்ரீ விருதளித்து கவுரவித்துள்ளது. 

இந்த நிலையில், இன்று அவரது 100வது பிறந்தநாளை முன்னிட்டு கூகுள் நிறுவனம் டூடுள் உருவாக்கி அவரை கௌரவப்படுத்தியுள்ளது.

Google celebrates Govindappa Venkatasamy's 100th Birthday by creating doodles on the Homepage

 

​    கோவிந்தப்பா வெங்கடசாமி​​    ​​    ​

 

Tamil

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.