Skip to main content

முதல் நாளில் 6.82 கோடி ரூபாய் வசூல் செய்த ‘செக்க சிவந்த வானம்’

செக்கச் சிவந்த வானம்

மணிரத்னத்தின் இயக்கத்தில் உருவாகி உள்ள ‘செக்க சிவந்த வானம்’ வெளியான முதல் நாளில் தமிழ்நாட்டில் மட்டும் ரூ.6.82 கோடி வசூல் செய்துள்ளதாக கூறப்படுகிறது. 

தமிழ் சினிமாவின் முன்னணி இயக்குநரான மணிரத்னம், காற்று வெளியிடை படத்திற்கு பிறகு இயக்கியுள்ள திரைப்படம் ‘செக்க சிவந்த வானம்’. 

நட்சத்திரப் பட்டாளமே நடித்துள்ளது

மல்டி ஸ்டாரர் படமான இப்படத்தில் சிம்பு, விஜய் சேதுபதி, அரவிந்த் சாமி, அருண் விஜய், பிரகாஷ் ராஜ், ஜோதிகா, ஐஸ்வர்யா ராஜேஷ், அதிதி ராவ் ஹைதேரி, ஜெயசுதா, டயானா உள்ளிட்ட ஒரு நட்சத்திரப் பட்டாளமே நடித்துள்ளது. 

ரசிகர்களின் மிகப்பெரிய எதிர்பார்ப்புக்கு மத்தியில், நேற்று செப்டம்பர் 28 ம் தேதி வெளியான இந்தத் திரைப்படம், விமர்சகர்களிடமும் ரசிகர்களிடமும் நல்ல பாராட்டைப் பெற்று வருகிறது. மேலும், படத்தில் அனைத்து ஹீரோக்களுக்கும் சமமான கதாபாத்திரம் கொடுக்கப்பட்டுள்ளதால், அனைத்து ரசிகர்களும் படத்தை ரசித்து வருகின்றனர். 

 

செக்கச் சிவந்த வானம்

 

பாக்ஸ் ஆபீஸ் ரிப்போர்ட்

இந்நிலையில், இப்படத்தின் முதல் நாள் பாக்ஸ் ஆபீஸ் ரிப்போர்ட் தற்போது வெளியாகியுள்ளது. ‘செக்க சிவந்த வானம்’ சென்னையில் மட்டும் ரூ.89 லட்சம் வசூலித்துள்ளதாகவும், தமிழ்நாடு மொத்தமும் ரூ.6.82 கோடி வசூலித்துள்ளதாகவும் தெரிவிக்கப்பட்டுள்ளது. இதுதவிர, அமெரிக்காவில் ரூ.1.6+ கோடி வசூலித்துள்ளது.

வார இறுதியில் வசூல் அதிகரிக்கக் கூடும்

இந்த ஆண்டில், விடுமுறை தினத்தில் வெளியாகாத படங்களில் அதிக வசூல் ஈட்டிய படமாக செக்க சிவந்த வானம் உள்ளது. மேலும், நல்ல விமர்சனங்களைப் பெற்று வருவதால், வார இறுதியில் இப்படத்தின் வசூல் அதிகரிக்கக் கூடும் என எதிர்பார்க்கப்படுகிறது. அதுமட்டுமின்றி, செவ்வாய்கிழமை காந்தி ஜெயந்தி என்பதால், அடுத்த 5 நாட்களில் படம் அதிக வசூல் ஈட்டக் கூடும் என பாக்ஸ் ஆபீஸ் ரிப்போர்ட்கள் தெரிவிக்கின்றன. 

Tamil

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.