Skip to main content

இந்தியாவில் அதிகரிக்கும் #MeToo - மத்திய அரசு நடவடிக்கை

#MeToo என்ற ஹேஸ்டேக்

#MeToo என்ற ஹேஷ்டேக்கின் கீழ் சமூகவலைத் தளங்களில் கூறப்படும் பாலியல் புகார்களை விசாரிக்க 4 முன்னாள் நீதிபதிகள் அடங்கிய குழு ஒன்று அமைக்கப்பட உள்ளதாக மத்திய பெண்கள் மற்றும் குழந்தைகள் நல அமைச்சர் மேனகா காந்தி தெரிவித்துள்ளார். 

#MeToo என்ற ஹேஸ்டேக்

உலகம் முழுவதும் உள்ள பெண்கள் தங்களுக்கு ஏற்பட்டுள்ள பாலியல் துன்புறுத்தல்கள் மற்றும் தொல்லைகள் பற்றி #MeToo என்ற ஹேஸ்டேக்கில் ட்விட்டரில் பதிவிட்டு வருகின்றனர். இந்தியாவிலும் இந்தக் குற்றச்சாட்டுகள் சமீப காலமாக பெருகி வருகின்றனர்.

பாலிவுட் நடிகையான தானுஸ்ரீ தத்தா பிரபல நடிகரான நானா பட்நேகர், தன்னை பாலியல் ரீதியாக துன்புறுத்தியதாக குற்றம் சுமத்தினார். அவரைத் தொடர்ந்து, கங்கனா ரனாவத் உள்ளிட்ட முன்னணி நடிகைகளும் அவருக்கு ஆதரவாக, தங்களுக்கு ஏற்பட்ட பாலியல் தொல்லைகள் பற்றி விவரித்தனர். 

இதனிடையே, மத்திய இணை அமைச்சராக உள்ள எம்ஜே அக்பர் மீது பெண் பத்திரிக்கையாளர் ஒருவர் பாலியல் புகாரை சுமத்தினார். அவரைத் தொடர்ந்து, பல பெண்கள் எம்ஜே அக்பர் மீது பாலியல் ரீதியான புகார்களை சுமத்தி வருகின்றனர். 

அதேபோல், பிரபல பின்னணி பாடகியான சின்மயி, தமிழ் சினிமாவின் மூத்த பாடலாசிரியரான வைரமுத்து மீது பாலியல் புகார்களை சுமத்தினார். இவ்வாறாக, பல பெண்களும் தங்கள் சந்தித்த பாலியல் புகார்களை தெரிவித்து வருகின்றனர். 

 

#MeToo என்ற ஹேஸ்டேக்

 

நால்வர் குழு

இந்நிலையில், #MeToo பாலியல் புகார்களை விசாரிக்க 4 முன்னாள் நீதிபதிகள் அடங்கிய குழு அமைக்கப்படும் என மத்திய அமைச்சர் மேனகா காந்தி தெரிவித்துள்ளார்.

இது குறித்து பேசிய மேனகா காந்தி, “அதிகாரத்தில் உள்ள ஆண்களே இதுபோன்ற குற்றங்களில் பெரும்பாலும் ஈடுபடுகின்றனர். இது ஊடகத்திற்கும், அரசியலிலும், நிறுவனங்களில் தலைமைப் பொறுப்பில் உள்ளவர்களுக்கும் பொருந்தும். மற்றவர்கள் நம்மை கேலியாக பேசுவார்கள் என்பதற்காகவும், நம்மை தவறாக எண்ணுவார்கள் என்றும் பெண்கள் இதைப் பற்றி பேச பயப்பட்டனர். ஆனால், இப்போது பெண்கள் பேசத் தொடங்கிவிட்டனர். இதனால், ஒவ்வொரு குற்றச்சாட்டின் மீதும் நாம் நடவடிக்கை எடுக்க வேண்டும். 

நீங்கள் எப்போதும் உங்களை துன்புறுத்தியவரை நினைவில் வைத்திருப்பீர்கள். அதனால்தான், இதற்கு கால வரம்பு விதிக்கப்படக்கூடாது என சட்டத்துறை அமைச்சகத்திற்கு கடிதம் எழுதியுள்ளோம். 10-15 ஆண்டுகள் என எப்போது அந்த சம்பவம் நடந்திருந்தாலும், நீங்கள் அதைப் புகாரளிக்கலாம்,” என தெரிவித்துள்ளார். 

#MeToo get serious menakaganthi allots a investigation committee

Tamil

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.